August 27th, 2005
Marami akong sana....
marami akong sana
sana ang tula ay pwedeng sakyan.
ipamasahe papuntang japan.
pwedeng gawing unan
ng mga batang lansangan.
sana pwede itong ipambayad ng matrikula.
sana pwede itong isuot,
isaing,
ikwintas,
inumin,
ulamin,
isapaw sa sinaing.
sana tanggapin itong pang-entrance
sa mayrics.
ipambili ng kape sa starbucks.
ipang dreadlocks,
ipang load sa cellphone.
ipang 3 ft long stuff crust pizza.
ipang enchanted kingdom,
ipakain sa arowana,
ibili ng video cam,
ng flat tv,
ng pc,
ng chuck taylor,
ng electric guitar,
ng discman.
sana ang tula ay pwedeng
ipantubos sa naisanlang kuwintas.
ipandeposito sa ospital para sa asawang
na-ceasarian.
at sana din ang tula ay pwedeng
magpayaman.
pwedeng ikabit sa aking pangalan.
sana lang....
para di ko naman isiping
isa akong kabiguan.
kathang isip ni proxima centauri....
